Yenə də bahar gəldi Vahid Çəmənli

Yenə də bahar gəldi Vahid Çəmənli



Yenə də bahar gəldi.
Bu neçənci bahardı?
O başqa bahar idi,
Bu da başqa bahardı.
Kimlər mənə yar idi,
İndi kim mənə yardı?..

O baharda rəngbərəng,
Neçə çiçəklər vardı.
O baharda yağışlar
Başqa cürə yağardı.

O baharın atəşi,
Alovu, közü vardı.
O baharın göyləri,
Səma boyda olardı.

O baharda gözəllər
Necə xonça bağlardı.
O baharda gözlərim
Bir gözəli arardı...
O başqa bahar idi.
Bu da başqa bahardı.

O baharım qeyb oldu,
Sinəmdə odu qaldı.
Gözümdə nuru qaldı,
Dilimdə adı qaldı.

O bahar bircə əlçim,
Bulud tək keçib getdi.
Qərib durnalar kimi
Ömrümdən köçib getdi.
Qapqara saçlarıma
Ağappaq lələk saldı...
O başqa bahar idi,
O bahardan nə qaldı?

Vahid Çəmənli

04.06.2018
Bakı


DETAYLAR
Kategori : Azərbaycan Ədəbiyyatı və İncəsənət
Ekleme Tarihi : 04.06.2018
Beğeniler: 18
Favoriler: 0
İzlenmeler: 338
rank
favori
like
share
Tebrikler!

Paylaşımınız haftanın en popüler içerikleri arasında.

www.uyur.com/populer/


UYUR - 17:55